[wow][/wow]
ليه يازوجتى
ليه حياتنا فيها أنة *** الحكاية فيهـا إنَ
ليه بتخدى كل مادا *** حته م الخيط اللى بنا
وبإديكى تفصلى للفرح *** مكفـن مـين فتنا
وليه تحاولى تفردى اللى *** الوقت من إحساسه ثنا
ليه يازوجتى نعيش جهنم *** واحنا نملك بيت في جنة
طوبه حب وطوبه تفاهم *** والصفا عالأرض جنة
نفسى مرة اصحى ألاقى *** اكتئابك راح وخنـا
مش مهم تكونى عبلة *** أوتكونى في يـوم مادونا
المهم إنك تكونى *** لحن نفتح ليه ودانا
بارمى حبى فوق فؤادك *** نفسى مرة أسمع له رنه
عمرى ما أسمع غير عنادك *** أو زعيقك ليه يازنه
ليه تقولى مش ضروري *** ليه تخلى الفرض سنه
وان فضى جيبى القى نابك *** أيه اللى نابك صار له شنه
أجرى وأحبس نفسى منك *** فين أنوثتك كات تعنا
فين هواك فين صباك *** فين حنانك كان حاضنا
بعده تربستى فؤادك *** كل تفتيحـك بطـونا
نفسى مرة اشم غيرة *** نفسى مرة تظنى ظنة
روحى منك للى جابك *** جاب ضبابك غطى عنا
كنت فرحة كنت طرحة *** يوم ما جيتى البيت ده غنى
هو شهر لبست حبك *** بعـــده خيطى كفنا
نسيتى ازاى بنضحك *** أو بنحلق ليه دوقنا
كامل الأوصاف محاها *** من بدايـة ما استكنا
كل يوم باقضية معاها *** يغلى لما أصفر لونا
مــن عمايلك كل يوم *** بيمرياخد حتة منا
دى السنين عمالة تجرى *** واحنا ليه سايبين سننا
ترمى وتبعترى حياتنا *** ليه على نفسينا هونا
بس أنا عرفت اللى فيها *** أصل دوت مش املنا
روحى يلله وإنت طالق *** وبكره نخلص ديونا